Raise a glass for Bobbie Burns

[Shantytownbrown]

as if you need an excuse to break out the good Scotch Whisky...time to celebrate the birth and life of Scotland's noble poet Laureat...

Slainte!

Scott

Whisky Drink by R. Burns

Gie him strong drink until he wink,
That's sinking in despair;
An' liquor guid to fire his bluid,
That's prest wi' grief and care:
There let him bouse, an' deep carouse,
Wi' bumpers flowing o'er,
Till he forgets his loves or debts,
An' minds his griefs no more. Solomon's Proverbs, xxxi. 6, 7.

Let other poets raise a fracas
"Bout vines, an' wines, an' drucken Bacchus,
An' crabbit names an'stories wrack us,
An' grate our lug:
I sing the juice Scotch bear can mak us,
In glass or jug.

O thou, my muse! guid auld Scotch drink!
Whether thro' wimplin worms thou jink,
Or, richly brown, ream owre the brink,
In glorious faem,
Inspire me, till I lisp an' wink,
To sing thy name!

Let husky wheat the haughs adorn,
An' aits set up their awnie horn,
An' pease and beans, at e'en or morn,
Perfume the plain:
Leeze me on thee, John Barleycorn,
Thou king o' grain!

On thee aft Scotland chows her cood,
In souple scones, the wale o'food!
Or tumblin in the boiling flood
Wi' kail an' beef;
But when thou pours thy strong heart's blood,
There thou shines chief.

Food fills the wame, an' keeps us leevin;
Tho' life's a gift no worth receivin,
When heavy-dragg'd wi' pine an' grievin;
But, oil'd by thee,
The wheels o' life gae down-hill, scrievin,
Wi' rattlin glee.

Thou clears the head o'doited Lear;
Thou cheers ahe heart o' drooping Care;
Thou strings the nerves o' Labour sair,
At's weary toil;
Though even brightens dark Despair
Wi' gloomy smile.

Aft, clad in massy siller weed,
Wi' gentles thou erects thy head;
Yet, humbly kind in time o' need,
The poor man's wine;
His weep drap parritch, or his bread,
Thou kitchens fine.

Thou art the life o' public haunts;
But thee, what were our fairs and rants?
Ev'n godly meetings o' the saunts,
By thee inspired,
When gaping they besiege the tents,
Are doubly fir'd.

That merry night we get the corn in,
O sweetly, then, thou reams the horn in!
Or reekin on a New-year mornin
In cog or bicker,
An' just a wee drap sp'ritual burn in,
An' gusty sucker!

When Vulcan gies his bellows breath,
An' ploughmen gather wi' their graith,
O rare! to see thee fizz an freath
I' th' luggit caup!
Then Burnewin comes on like death
At every chap.

Nae mercy then, for airn or steel;
The brawnie, banie, ploughman chiel,
Brings hard owrehip, wi' sturdy wheel,
The strong forehammer,
Till block an' studdie ring an reel,
Wi' dinsome clamour.

When skirling weanies see the light,
Though maks the gossips clatter bright,
How fumblin' cuiffs their dearies slight;
Wae worth the name!
Nae howdie gets a social night,
Or plack frae them.

When neibors anger at a plea,
An' just as wud as wud can be,
How easy can the barley brie
Cement the quarrel!
It's aye the cheapest lawyer's fee,
To taste the barrel.

Alake! that e'er my muse has reason,
To wyte her countrymen wi' treason!
But mony daily weet their weason
Wi' liquors nice,
An' hardly, in a winter season,
E'er Spier her price.

Wae worth that brandy, burnin trash!
Fell source o' mony a pain an' brash!
Twins mony a poor, doylt, drucken hash,
O' half his days;
An' sends, beside, auld Scotland's cash
To her warst faes.

Ye Scots, wha wish auld Scotland well!
Ye chief, to you my tale I tell,
Poor, plackless devils like mysel'!
It sets you ill,
Wi' bitter, dearthfu' wines to mell,
Or foreign gill.

May gravels round his blather wrench,
An' gouts torment him, inch by inch,
What twists his gruntle wi' a glunch
O' sour disdain,
Out owre a glass o' whisky-punch
Wi' honest men!

O Whisky! soul o' plays and pranks!
Accept a bardie's gratfu' thanks!
When wanting thee, what tuneless cranks
Are my poor verses!
Thou comes-they rattle in their ranks,
At ither's a-s!

Thee, Ferintosh! O sadly lost!
Scotland lament frae coast to coast!
Now colic grips, an' barkin hoast
May kill us a';
For loyal Forbes' charter'd boast
Is ta'en awa?

Thae curst horse-leeches o' the' Excise,
Wha mak the whisky stells their prize!
Haud up thy han', Deil! ance, twice, thrice!
There, seize the blinkers!
An' bake them up in brunstane pies
For poor damn'd drinkers.

Fortune! if thou'll but gie me still
Hale breeks, a scone, an' whisky gill,
An' rowth o' rhyme to rave at will,
Tak a' the rest,
An' deal't about as thy blind skill
Directs thee best.
​

 

[Haggises]

Robert or Rabbie......but please not Bobbie.

Battle of Sherrifmuir

O cam ye here the fight to shun,
Or herd the sheep wi' me, man?
Or were ye at the Sherra-moor,
Or did the battle see, man?"
I saw the battle, sair and teugh,
And reekin-red ran mony a sheugh;
My heart, for fear, gaed sough for sough,
To hear the thuds, and see the cluds
O' clans frae woods, in tartan duds,
Wha glaum'd at kingdoms three, man.


The red-coat lads, wi' black cockauds,
To meet them were na slaw, man;
They rush'd and push'd, and blude outgush'd
And mony a bouk did fa', man:
The great Argyle led on his files,
I wat they glanced twenty miles;
They hough'd the clans like nine-pin kyles,
They hack'd and hash'd, while braid-swords, clash'd,
And thro' they dash'd, and hew'd and smash'd,
Till fey men died awa, man.



To a Louse

O wad some Pow'r the giftie gie us
To see oursels as ithers see us!
It wad frae mony a blunder free us,
An' foolish notion:
What airs in dress an' gait wad lea'e us,
An' ev'n devotion!

Red, Red Rose

O my Luve's like a red, red rose
That’s newly sprung in June;
O my Luve's like the melodie
That’s sweetly play'd in tune.


As fair art thou, my bonnie lass,
So deep in luve am I:
And I will luve thee still, my dear,
Till a’ the seas gang dry:

 

[Shantytownbrown]

Robert or Rabbie......but please not Bobbie.

so noted, so changed, deepest apologies...(must have been the drink got to me early!)

 

[FL shaver]

I'll celebrate him tonight!
Classic stuff!

And I will luve thee still, my dear,
Till a’ the seas gang dry

http://www.huffingtonpost.co.uk/mobileweb/2013/01/25/cool-robert-burns-facts_n_2549831.html?utm_hp_ref=tw

 

[DogHair]

We had to postpone our annual Robbie Burns dinner due to traveling. I'm hoping for this weekend. Anyone else have the tradition haggis, neeps & tatties?

 

[rob74]

I've been wanting to experience a Burns dinner for several years now. Where would be a good place to order a frozen haggis in the U.S.A?

 

[Doc4]

I've been wanting to experience a Burns dinner for several years now. Where would be a good place to order a frozen haggis in the U.S.A?

I went to fine a Youtube clip of Gordon Ramsay taking a strip off a Kitchen Nightmare owner/chef for frozen food ... but the NSFW level was off the charts, so ...

 

[rob74]

I went to fine a Youtube clip of Gordon Ramsay taking a strip off a Kitchen Nightmare owner/chef for frozen food ... but the NSFW level was off the charts, so ...

oh well...maybe I'll be ambitious and find a recipe to try. I've never had haggis but it appears similar to a dish we have on the Delmarva Peninsula called scrapple. As long as scotch is a part of the experience I'll be good.

 

[luvmysuper]

I've always been particularly fond of




Death and Dr. Hornbook

Some books are lies frae end to end,
And some great lies were never penn'd:
Ev'n ministers, they ha'e been kenn'd,
In holy rapture,
A rousing whid, at times, to vend,
And nail't wi' Scripture.

But this that I am gaun to tell,
Which lately on a night befel,
Is just as true's the Deil's in h--ll
Or Dublin-city;
That e'er he nearer comes oursel
'S a muckle pity.

The Clachan yill had made me canty,
I was na fou, but just had plenty;
I stacher'd whyles, but yet took tent ay
To free the ditches;
An' hillocks, stanes, and bushes, kenn'd ay
Frae ghaists an' witches.

The rising moon began to glow'r
The distant Cumnock hills out-owre:
To count her horns with a' my pow'r,
I set mysel;
But whether she had three or four,
I could na tell.

I was come round about the hill,
And todlin down on Willie's mill,
Setting my staff with a' my skill,
To keep me sicker;
Tho' leeward whyles, against my will,
I took a bicker.

I there wi' something did forgather,
That put me in an eerie swither;
An awfu' scythe, out-owre ae shouther,
Clear-dangling, hang;
A three-taed leister on the ither
Lay, large an' lang.

Its stature seem'd lang Scotch ells twa,
The queerest shape that e'er I saw,
For fient a wame it had ava:
And then, its shanks,
They were as thin, as sharp an' sma'
As cheeks o' branks.

"Guid-een," quo' I; "Friend, hae ye been mawin,
When ither folk are busy sawin?"
It seem'd to mak a kind o' stan',
But naething spak;
At length, says I, "Friend, where ye gaun,
Will ye go back?"

It spak right howe,--"My name is Death,
But be na fley'd."--Quoth I, "Guid faith,
Ye're may be come to stap my breath;
But tent me, billie;
I red ye weel, take care o' skaith,
See, there's a gully!"

"Guidman," quo' he, "put up your whittle,
I'm no design'd to try its mettle;
But if I did, I wad be kittle
To be mislear'd,
I wad nae mind it, no that spittle
Out-owre my beard."

"Weel, weel!" says I, "a bargain be't;
Come, gies your hand, an' sae we're gree't;
We'll ease our shanks an' tak a seat,
Come, gies your news!
This while ye hae been mony a gate
At mony a house.

"Ay, ay!" quo' he, an' shook his head,
"It's e'en a lang, lang time indeed
Sin' I began to nick the thread,
An' choke the breath:
Folk maun do something for their bread,
An' sae maun Death.

"Sax thousand years are near hand fled
Sin' I was to the butching bred,
An' mony a scheme in vain's been laid,
To stap or scar me;
Till ane Hornbook's ta'en up the trade,
An' faith, he'll waur me.

"Ye ken Jock Hornbook i' the Clachan,
Deil mak his kings-hood in a spleuchan!
He's grown sae weel acquaint wi' Buchan[6]
An' ither chaps,
The weans haud out their fingers laughin
And pouk my hips.

"See, here's a scythe, and there's a dart,
They hae pierc'd mony a gallant heart;
But Doctor Hornbook, wi' his art
And cursed skill,
Has made them baith no worth a f----t,
Damn'd haet they'll kill.

"'Twas but yestreen, nae farther gaen,
I threw a noble throw at ane;
Wi' less, I'm sure, I've hundreds slain;
But-deil-ma-care,
It just play'd dirl on the bane,
But did nae mair.

"Hornbook was by, wi' ready art,
And had sae fortified the part,
That when I looked to my dart,
It was sae blunt,
Fient haet o't wad hae pierc'd the heart
Of a kail-runt.

"I drew my scythe in sic a fury,
I near-hand cowpit wi' my hurry,
But yet the bauld Apothecary,
Withstood the shock;
I might as weel hae tried a quarry
O' hard whin rock.

"Ev'n them he canna get attended,
Although their face he ne'er had kend it,
Just sh---- in a kail-blade, and send it,
As soon's he smells't,
Baith their disease, and what will mend it,
At once he tells't.

"And then a' doctor's saws and whittles,
Of a' dimensions, shapes, an' mettles,
A' kinds o' boxes, mugs, an' bottles,
He's sure to hae;
Their Latin names as fast he rattles
As A B C.

"Calces o' fossils, earths, and trees;
True sal-marinum o' the seas;
The farina of beans and pease,
He has't in plenty;
Aqua-fortis, what you please,
He can content ye.

"Forbye some new, uncommon weapons,
Urinus spiritus of capons;
Or mite-horn shavings, filings, scrapings,
Distill'd _per se_;
Sal-alkali o' midge-tail clippings,
And mony mae."

"Waes me for Johnny Ged's-Hole[7] now,"
Quo' I, "If that thae news be true!
His braw calf-ward whare gowans grew,
Sae white and bonie,
Nae doubt they'll rive it wi' the plew;
They'll ruin Johnie!"

The creature grain'd an eldritch laugh,
And says, "Ye need na yoke the plough,
Kirkyards will soon be till'd eneugh,
Tak ye nae fear;
They'll a' be trench'd wi' mony a sheugh
In twa-three year.

"Whare I kill'd ane a fair strae death,
By loss o' blood or want of breath,
This night I'm free to tak my aith,
That Hornbook's skill
Has clad a score i' their last claith,
By drap an' pill.

"An honest wabster to his trade,
Whase wife's twa nieves were scarce weel bred,
Gat tippence-worth to mend her head,
When it was sair;
The wife slade cannie to her bed,
But ne'er spak mair

"A countra laird had ta'en the batts,
Or some curmurring in his guts,
His only son for Hornbook sets,
An' pays him well.
The lad, for twa guid gimmer-pets,
Was laird himsel.

"A bonnie lass, ye kend her name,
Some ill-brewn drink had hov'd her wame;
She trusts hersel, to hide the shame,
In Hornbook's care;
_Horn_ sent her aff to her lang hame,
To hide it there.

"That's just a swatch o' Hornbook's way;
Thus goes he on from day to day,
Thus does he poison, kill, an' slay,
An's weel paid for't;
Yet stops me o' my lawfu' prey,
Wi' his d--mn'd dirt:

"But, hark! I'll tell you of a plot,
Though dinna ye be speaking o't;
I'll nail the self-conceited sot,
As dead's a herrin':
Niest time we meet, I'll wad a groat,
He gets his fairin'!"

But just as he began to tell,
The auld kirk-hammer strak' the bell
Some wee short hour ayont the twal,
Which rais'd us baith:
I took the way that pleas'd mysel',
And sae did Death.

 

[Haggises]

That's simply marvellous Phil. Thanks!

 

[Shantytownbrown]

Thanks, Phil!

 

[Haggises]

I've been wanting to experience a Burns dinner for several years now. Where would be a good place to order a frozen haggis in the U.S.A?

Now that Burns Night is over, Caledonian Kitchen is doing 15% off on goods. They have a frozen presentation haggis - a 4 pound monster. I've only had their canned and it was OK, reasonably authentic.

 

[DogHair]

Now that Burns Night is over, Caledonian Kitchen is doing 15% off on goods. They have a frozen presentation haggis - a 4 pound monster. I've only had their canned and it was OK, reasonably authentic.

We've done the Caledonian frozen haggis for several years. It's very good. I decided to try the canned presentation this year where you stuff your own casing.